亞洲電視出名多騎呢嘢，噚日又有讀者爆料，話亞視強迫受傷員工李建龍返工。李建龍係邊個？佢係第二屆《星光大道》嘅參賽者，不過入咗亞視之後工作量唔多。
早前佢同一班朋友去泰國玩嘅時候炒車，搞到右邊身傷晒，扭傷埋盆骨，但因為要錄影《亞姐百人》，噚日要頂硬上返工，佢喺電話度把聲好灰咁話：「係呀，請假都冇用，好多嘢想講，但講咗會俾人炒。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！