樂基兒（Gaile）現暫居峇里重新展開新生活，有工作才會回港，日前她順道與逢周五隨《蘋果日報》分區附送的時尚美容雜誌《add》暢談她的點滴。Gaile曾經與黎明（Leon）愛得甜蜜，對於分開的心情，她平靜地表示：「過去嘅日子，同今日嘅日子比，當然，係有一個hard time，但有啲唔同，係一個新嘅chapter in life，唔會話邊一樣好啲，因為覺得每經歷一件事，開心又好，唔開心又好，都係一個經驗。就好似做人咁，有啲人會經歷多啲開心，有啲人會經歷多啲唔開心，都要接受，慢慢去適應新開始。」
追求零束縛
對於與Leon是否一個錯配，Gaile表示：「我覺得我同Leon唔可以講係咪一個right match，我哋喺呢個關係都有盡力嘗試，夾唔夾同點解我哋會分開，都唔代表一個對同錯嘅match。基本上，我冇覺得wrong match，拍拖呢件事，要講時間同緣份，可能唔係啱嘅時間，或者佢唔係呢行，我唔係做呢行，大家就唔會咁樣。」Gaile在峇里展開她的新生，現在更忙於推出滑浪的surfwear，亦享受在峇里沒傳媒束縛的名模生活，問到她與滑浪教練Cuz的戀事，她表示：「冇諗住，大家唔好騷擾我，我𠵱家好開心，拍拖都係排第二，排第一係自己，包括business、finding out自己啦，畀啲時間自己先。」（詳細內容請參閱第六期《add》）。
撰文：唐如
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！