俗語有云：好馬不吃回頭草，老闆唔賞識我，仲將我炒魷魚，我當然以後唔打佢工！這叫骨氣，型嘛！但冷靜想想，其實很戇居的。骨氣，頂多是一啖氣，既吃不飽，也不保暖，還會頂心頂肺。摩連奴唔識中文，所以沒受這句俗語牽絆，想也沒想便吃車路士這「回頭草」。
數月前盛傳摩佬重返車仔，我已覺摩佬為何咁冇骨氣，當日自己親手將車仔打造成可食住曼聯的冠軍隊伍，阿巴莫域治竟不念此番功績。係男人嘅莫講重返車仔，應該立志執教車仔對家，打殘佢！
當然，阿巴同摩佬都唔係儍嘅，摩佬或許睇到「分手」後，油王其實都有變。經歷安察洛堤無冠即炒；對波亞斯缺乏耐性；對迪馬堤奧不夠信心，相信油王已開始掛念摩佬的好。再者，油王最後找來守優於攻的肥賓執教，或多或少暗示他終明白「悅目進攻」與「穩定戰績」間，很多時是魚與熊掌。有甚麼關係比分手後復合更了解對方？起碼分手所犯的錯都不會再犯吧？既然如此，乘曼聯改朝換代的動盪時刻入主，絕對是摩佬回巢再建王朝的良機。
雖然古列治質疑摩佬因與西班牙幫不和而敗走皇馬，或意味他善於鼓動球員為自己賣命的能力已消失。但我卻認為，只因意大利與西班牙等南歐國人較感性，對摩佬囂張性格未必接受，才有傳媒甚至球員不滿；相反英國人較刻苦務實，只要寸得來有料，仍會尊重。我猜測要複製費Sir 26年盛勢未必得；但若順利，十年八年「新車王朝」，隨時即將降臨。
方柏翹
now足球評述員
Hit一o下，動全新
即刻去Google Play Store, 下載【蘋果動新聞】新版Android App:
http://bit.ly/appledailyupdate
自力更新方法：
1)到 Play Store
2)搜尋「Apple Daily」
3)登入蘋果動新聞App
4)按更新，即可動全新
iPhone新版App，將於7月登陸