李思欣近排拍無綫新劇《寒山潛龍》，劇情講飾演花魁嘅佢俾黑衣人一掌打到飛起，思欣要大熱天時着住古裝吊威吔，仲連續半個鐘頭吊咗八次，真係辛苦，佢話：「因為拍攝唔啱角度先吊咁多次，呢次係話我中掌向後飛起，威吔係咁向後扯高我，感覺似玩過山車。」
思欣噚日同老公范振鋒去將軍澳為有份投資嘅電腦店剪綵，范振鋒今個月20日牛一，思欣準備下廚慰夫。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！