恒指持續尋底，失守去年6月初以來的上升軌，氣氛相當差。不過，跌穿重要支持位後，應有技術反彈，加上9RSI已處於24的超賣水平，短期反彈的機會不低，但之後「終極一跌」料將出現，魏力暫睇目標介乎20500至20800，約為去年9月的裂口上升頂部水平。
板塊方面，科技股走勢仍強，但個別炒憧憬的股份回得甚急，例如日前推介的A8電媒（800），如不幸坐艇，應以買入價跌10%作止蝕位，待低位再撈更為划算。上周四介紹的賽晶（580）整固後再現升浪，如上破前浪頂0.82元，可追入或加注。
上月初曾推介盈天醫藥（570），指其走勢現突破。該股其後停牌，公佈斥資26.4億人仔全購同濟堂，並將易名「中國中藥」，復牌最高見5.04元，較推介日爆升39%，但近日又曾急插至4蚊樓下。唔少坐艇的戰友於fb問魏力點算好？雖然其前景亮麗，但如於4.60元以上買入，一般魏力建議跌一成要止蝕，同埋唔好溝貨，因為唔知幾時見底，寧可待反彈再買。
再提盈天因技術走勢已現見底訊號，過去兩日企穩4蚊水平，成交縮仍能推升股價，反映震倉已近完成，如能突破周一開市價4.40元，將確認股價見底，可再追入。
魏力
http://www.facebook.com/2012jason
本欄逢周一、二、四、五刊出
Hit一o下，動全新
即刻去Google Play Store, 下載【蘋果動新聞】新版Android App:
http://bit.ly/appledailyupdate
自力更新方法：
1)到 Play Store
2)搜尋「Apple Daily」
3)登入蘋果動新聞App
4)按更新，即可動全新
iPhone新版App，將於7月登陸