特首梁振英視上任以來最大「成就」的「港人港地」，首兩幅位於啟德土地前日公佈招標結果，由央企中國海外以市場估計最高價奪得。紅色資本踩入本港地產界，商界中人無不議論紛紛，均覺梁當日在部份官員反對下仍硬推「港人港地」，不禁令人猜測藉此救民望、助中產買樓只是掩飾，實際是為中資搶地開路，對付港資地產大孖沙。
玩殘地產大孖沙
有地產界中人對季陶說，一眾港資地產商今次無法中標，全因中國海外出價近乎「冇得賺」：「塊地有咁多限制，正常日後樓價必定低過市價，港資地產商出價唔進取，甚至低一、兩成好正常，真係冇諗過有人（中國海外）出可能冇得賺嘅價。」
該地產界中人指，港資地產商投地要計算利潤和風險，不可能像中資般進取爭「港人港地」，「我哋要同股東交代，冇可能用個冇得賺、風險高嘅價同佢哋搶！我哋蝕係冇阿爺補貼」。而發展局局長陳茂波昨日說，政府日後會繼續推「港人港地」，難免令地產界擔心，政府會將更多「靚地」變「港人港地」，讓中資在搶地上有優勢，「因為港資一定唔夠中資搶，慢慢就會壯大中資地產商，玩殘班地產大孖沙」。
梁班子治下香港，前景不明。據知唐英年日前上庭打上「雲雨呔」，其實是想藉此呔形容香港未來「烏雲密佈」，豈止憑呔寄個人心聲如此簡單？
季陶
Hit一o下，動全新
即刻去Google Play Store, 下載【蘋果動新聞】新版Android App:
http://bit.ly/appledailyupdate
自力更新方法：
1)到 Play Store
2)搜尋「Apple Daily」
3)登入蘋果動新聞App
4)按更新，即可動全新
iPhone新版App，將於7月登陸