試問有幾多人咁有勇氣肯認自己整容？最近林峯堂妹林夏薇又俾人話變樣，噚日佢喺電視城出席六月星辰活動時，仲出動埋阿媽張相力證自己冇整過，佢話：「冇唔開心，拍劇瘦咗啫，𠵱家想增肥。」問靚咗有冇人追？佢話：「兩年冇拍拖，但呢啲嘢隨緣。」
同場嘅陸永透露老婆就快生第二胎，預產期7月頭，雖然想唔再生，但又怕結紮影響性能力，惟有自己安全少少喎。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！