剛踏進六月，氣溫已達33℃，無奈身形還未跟得上呢個溫度，背心熱褲看得到但着不到。當大家心急如我，不斷尋找坊間減肥餐的同時，慶幸有兩位米芝蓮大廚正在進行減肥大戰，減肥的同時設計出一系列既好吃又低卡的減肥餐，今次鷸蚌相爭，我們漁人得利了！
記者：歐陽曉思 攝影：劉永發、伍慶泉
失敗者扮女侍應
別以為減肥只是女生的專利，Gold和Strip House的主廚Harlan Goldstein和Bo Innovation的廚魔Alvin Leung比我們更緊張，事關他們互相「挑機」，各人押下二萬元注碼，在三個月限期後，減磅幅度較大的勝出者，可將注碼捐到他倆指定的慈善機構。不過對他們來說，錢銀事小，面子事大，事關他們看見早前維珍航空老闆Richard Branson，因與亞洲航空總裁Tony Fernandes打賭輸了，換上空姐服、化靚妝做空姐一事，兩位名廚於是跟風，負方須穿起女侍應服，到勝方的餐廳充當一天的侍應，唔知到時邊個要剃腳毛呢？8月22日自有分曉。
Harlan：我怕死，許勝不許敗
廚師要減肥，有辣有唔辣，好處是懂得運用食物配搭出好吃又輕盈的菜式，難頂的是對着眾多美食卻不能進食。為甚麼要減肥？「我家姐話我再不減肥，就會很快死，我唔想死住。其實早前我來了一次地獄式減肥，減了近20公斤，可惜反彈肥番，今次我絕不鬆懈，除吃健康餐外，一星期五天還進行一小時Workout，I must be the winner！」 Harlan的減肥餐以均衡營養為主，很多人減肥時會戒碳水化合物或只吃肉類，但他覺得一定要攝取足夠的碳水化合物和蛋白質，才有力氣讓身體消耗。他的減肥餐以雞和魚為主，務求提升蛋白質的攝取量，加上低糖低脂低澱粉，故每碟都只是約390卡路里。減肥餐的賣相吸引，特別喜歡「慢煮美國有機雞胸配慢煮有機南瓜、紅米、火箭菜及和香醋醬汁」，有機雞肉經過慢煮，不嚡口，而且紅米粒粒煙韌，食完好想再食。若你愛吃魚，必試「44℃慢煮三文魚配醃小黃瓜、酸豆番茄醬和新鮮蒔蘿酸奶醬」，三文魚略略一燒，呈吸引的粉紅色，酸豆番茄醬及蒔蘿酸奶醬，很清新。
Gold By Harlan Goldstein（2869 9986）
地址：中環蘭桂坊雲咸街33號LKF Tower 2樓
廚魔：兩個都係贏家
若你早三年前認識Alvin，你會發現他與肥胖扯不上丁點關係，但因這三年經常到外地公幹，體重不斷上升，兩年前更發現自己患上糖尿病，故開始為健康着緊，「上年開設的健康輕食店Beautifood，就係希望將健康的訊息帶給大家。其實你問我邊個會贏，我會話畀你知，兩個都贏，我哋借呢個機會，重新檢視自己嘅健康，而且又可以令大家關注減肥呢回事！」
為了這次的激戰，廚魔每星期五日進行地獄式的健身鍛煉，食物方面，就差不多一日三餐都以Beautifood的低卡路里沙律和寶老團為主食，他透露已經減了大概四公斤脂肪，成績好像相當不錯！減肥菜，男士們可能覺得沙律不夠飽肚，廚魔就特意設計了含豐富蛋白質、以鍛煉肌肉的High-Pro沙律，沙律配七成熟的美國安格斯牛肉條，牛味香濃，吃時拌入溫泉蛋更添美味。若你是飯桶，可以吃Diabetic Special Burrito，這款寶老團特別為糖尿病人而設，故用上紅米飯、蘆笋、法邊豆和手撕雞等，配上田園醬，清新美味，又有咬口。
Beautifood
地址：中環德己立街21號The Plaza LKF地下B號舖
*供應至8月22日
若大家想知道嚟緊嘅對決如何，可以update
http://www.facebook.com/SummerSlimSlam