【銅鑼灣誠品】有「最hea冠軍港姐」之稱嘅張舒雅，間唔中都會出席吓啲活動，可能佢個名實在太揚，好似冇乜人敢請佢，不過佢都樂得清閒啦。喺六．四當晚7點鐘，佢一個人去咗銅鑼灣嘅誠品書店打書釘，佢唔單止行晒三層，仲睇咗好耐書。留心啲睇原來佢對心理學書情有獨鍾，仲不時睇到「嘻嘻」聲咁笑。佢企喺度睇足成45分鐘，唔知最後睇完書有冇行過維園出席悼念活動呢？
採訪、攝影：徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！