周麗淇（Niki）昨以just gold大中華區代言人身份在中環ifc出席活動，與早前被鍾嘉欣在無綫節目《玩嘢王》整蠱的魔術師Louis Yan玩魔術。身穿tube dress的Niki，夾出一吋微微事業線，記者笑她真材實料，她笑言：「大會安排，噚日先收到呢件衫，已經黐黐黐，一路得咁多，冇谷係咁多，我覺得OK。」大會送上金器給她寓意圓滿，她稱希望找到真命天子：「家姐以前都冇乜問，𠵱家開始有壓力，會畀多啲機會人，都有約會，人哋有好感，唔係我。」問到有調查剩女數目遠超男士？她笑言：「唔急搵男友，想生小朋友多啲，希望呢幾年有眉目。」會否要B唔要佬？她說：「唔會咁變態，爸爸都做埋太強，好似借種咁，想要健康家庭。」
採訪、攝影：盧妹
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！