近日和黃貫中（Paul）掀罵戰的黃家強，前晚在九展舉行《It's Alright演唱會》，雖然Paul與另一兄弟葉世榮未有撐場，但世榮送花牌，而家強父母、胞姊、日籍老婆及大仔均有到場打氣，開場時因音樂聲太大，嚇得家強大仔用手掩耳，令媽咪不禁大笑。
今年是黃家駒逝世20周年，作為親弟的家強，亦在個唱上向家駒致敬，家強坦言家駒一直是他的音樂啟蒙老師，他選唱了《誰伴我闖蕩》與家駒在螢幕上對唱。現場有歌迷自發帶來白蠟燭，他們更派給家強父母及親朋，眾人點起燭光一同悼念家駒，場面感人。家強以家駒教他彈結他的第一首歌《Love will tears us apart》作為紀念環節的開始，其間播出家駒的片段，當中他說：「大家係咪覺得黃家強好少講嘢呢？呢個就係我細佬，家強！」家強再唱出《海闊天空》、《祝你愉快》及《好好》送給家駒。
歌迷撐最高貴
家強有感而發地說：「同我一齊成長嘅哥哥教咗我好多嘢，但係佢只係教咗我一半，以後條路要自己去行。佢今日嚟陪我一齊唱，我好需要佢。我只想喺自己演唱會上開開心心，同你哋一齊紀念佢，我覺得點解紀念人……」台下歌迷聞言即大叫：「唔好理佢！明晒，撐你，你最高貴，佢講嘅都係廢話！」家強微笑以示感謝。另外，前晚黃耀明、任賢齊及盧凱彤撐場，明哥與家強合唱《長城》，小齊則唱《喜歡你》，並叫家強加油。最後家強以一曲《冷雨夜》作為完結：「多謝家駒送呢首歌畀我，呢首歌成為我嘅成名作。」最後再感謝家駒。
撰文：丁寧
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！