歐陽震華（Bobby）之前疑因醉酒搞到急性肺炎入院，逃出鬼門關，前晚他到將軍澳電視廣播城錄影無綫節目《超級無敵獎門人終極篇》，同場還有孫佳君和朱咪咪等。笑問Bobby可以玩刺激遊戲？他說：「冇嘅，終極版咪出嚟，唔怕冇嘢，濕身食冰，冇乜好怕。」自肺炎後是否已少飲酒？Bobby重申：「上次唔關飲酒事，之後同醫生食飯，佢哋都有帶酒。」Bobby輸掉遊戲要食辣壽司，令他不停流汗。
遊戲期間主持問嘉賓有否試過被人鹹豬手？朱咪咪即表示有，曾志偉抵死地說：「嗰啲人係咪盲？」孫佳君亦表示遇過：「成日都有，唔知香港啲街係咪迫，成日黐埋嚟，好似啲搬運工人成身濕，一黐埋嚟搞到我成隻手濕晒。」
採訪：楊潔雯
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！