鄧紫棋（G.E.M.）早前為了紅館個唱，積極減肥健身，體重不足93磅，她表示是入行以來最瘦的時候。完成個唱後她沒有放縱自己大吃大喝，反而繼續喼弗拍攝新一輯Maybelline化妝品廣告。由於新推出的粉底賣點是防水，為愛做運動人士而設，所以G.E.M.拍攝當日以一身運動打扮示人。穿上運動型小背心的她露出小蠻腰，身上沒有半點肥肉，凸顯3吋事業線，手臂亦練得十分結實。
出汗溶妝獻醜
G.E.M.表示有時出埠做宣傳工作，晚上會於酒店的健身室做gym，所以未有落妝。當做到滿頭大汗時，面上的化妝會開始溶掉，頗為嚇人，她說：「做運動時唔會理自己個樣點，但有時發覺身邊嘅人都會望吓自己，就會feel到可能個妝有啲問題。所以今次呢隻防水粉底真係好啱我，可以keep住個靚樣嘛。」
另外，G.E.M.指自從成為化妝品代言人後，自己的化妝技巧進步了不少：「好記得讀書時參加歌唱比賽，點都要化番啲妝先上台，嗰時又唔識化，學人搽睫毛液，點知搽唔均勻，搞到對眼上下位置一點點黑色，好似斑點狗一樣。」G.E.M.又笑言做了代言人之後，一眾女同事成為最大得益者，她說：「我慳番好多買化妝品嘅使費，而公司嘅女同事都會有份用，連佢哋都慳唔少。」
採訪、攝影：李珮洳
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！