「大笑」雖然唔係靚女，但憑開朗性格喺娛圈算吃得開，佢喺行內出名天不怕地不怕，但𠵱家終於有剋星，嗰個就係佢個寶貝女。雖然大笑囡囡只有幾歲大，但已經好老積，見到男仔識得怕醜面紅。有次關仁喺派對上見到大笑兩母女，小妹妹原本好百厭，似足佢媽咪性格唔怕醜，喺場內周圍走叫唔停，連大笑都管唔掂佢，但大笑囡囡一見到「型男」即刻少女懷春咁款，連講嘢都唔敢，仲拉吓媽咪衫尾，話想同型男合照，型男都好識做抱住小妹妹，搞到妹妹冧晒。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！