【中環】鍾鎮濤女友范姜日前唔使湊囡囡，偷閒約咗兩位女性友人一齊去中環Cova餐廳食午餐聚舊。佢哋點餐好爽快，唔使好耐已經各自點咗個套餐，可能撞啱中環食晏時間，廚房出菜都特別快。見到各位女士好似好肚餓，個前菜沙律唔使5分鐘就俾佢哋掃光，餐湯一樣唔放得好耐，一陣就飲完。
一班女士醫完肚之後就開始吹水，當中范姜講嘢嘅動作特別大，睇嚟佢傾得好興奮。食食吓，范姜見到另一班朋友，佢即刻好客氣咁起身同佢哋打招呼傾咗一陣，大家笑容滿面好開心，睇嚟范姜真係人緣好好。
採訪、攝影：徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！