唔少本土派人士批評支聯會悼念六四形式年年如是，有冇新搞作呀？至少兩名高登友，今年一於搞搞新意思。噚日晏晝帶咗肥雞、燒肉、紙錢同香燭，喺維園民主女神像面前，拜祭六四死難者。有路過市民好like佢哋嘅做法，但同時亦有市民叫佢哋咪阻住條路，同愛國愛民爭論一樣，喺坊間有唔同意見。
有自稱「凌天羽」嘅高登巴打話，支聯會年年都以西式方法，例如唱歌等形式悼念死難者，但佢哋係中國人喎，其實係要點「香」，所以選擇喺維園上香祭六四英烈。
要瞭解更多六四人和事，為死難者留下悼念的燭光，
請即登入蘋果【六四專頁】: http://6471.appledaily.com/