新民主同盟嘅佔中摺凳噚日喺維園熱賣，唔少人攞住摺凳參加集會，包括公民黨毛孟靜，佢仲同范國威孖住一齊悼念。原來摺凳噚日火速售罄，新民主同盟遲吓再入貨，7.1再賣過。
近日facebook瘋傳1990年十大中文金曲嘅片段，當年由司徒華同Miss Mo頒獎畀優秀國語歌《血染的風采》，主唱者係王虹。
Miss Mo憶述當年出場前，華叔嘅煲呔歪咗，佢提醒對方執番正先出場，但華叔不拘小節，覺得冇乜嘢問題，最後以歪煲呔示人。講番呢段歷史，Miss Mo一度哽咽。
要瞭解更多六四人和事，為死難者留下悼念的燭光，
請即登入蘋果【六四專頁】: http://6471.appledaily.com/