都話㗎啦，六四真係一面照妖鏡嚟㗎；上咗位嘅人，仲點敢評論？狼振英噚日嘅表現，就有辦你睇。明明記者問佢嘅問題係八九六四，佢就九唔搭八自說自話。八九六四真係咁可怕咩？
好多人冇忘記1989年六四那一夜，更對狼振英當年嘅舉動印象深刻。事關當時已經係親中「紅」人嘅佢，曾經喺6月5日以個人名義，喺報章刊登廣告譴責中共血腥鎮壓市民，都算有良心。
24年後，狼振英做咗特首，即刻唔敢開口。噚日有記者喺行會開會前，問會後將避走上海、唔想見到六四燭光嘅狼振英，會點樣向中央反映港人平反六四訴求？點知狼振英都冇理記者問啲乜嘢，九唔搭八地先簡介上海之行、然後hard sell佢嘅「港人港地」政策好受歡迎，繼而又話白表買居屋反應都好好吖，相信讀者同八方一樣，解構唔到呢堆答案同問題有乜嘢關係。
多得政府新聞處
好多網民鬧狼振英不復當年「勇」之時，話今次其實真係要多謝政府新聞處，若果處方冇喺新聞公佈中登埋記者條問題，大家就對比唔到當年今日嘅狼振英，真係越趨醜陋。
mailto:[email protected]
要瞭解更多六四人和事，為死難者留下悼念的燭光，
請即登入蘋果【六四專頁】: http://6471.appledaily.com/