六四晚會，事旦男點會缺席。查實佢今年好唔鍾意支聯會原本提出嘅「愛國愛民」口號，覺得好似愛港力style喎，所以噚日高舉寫住「支聯會變out聯會」嘅紙牌踩入維園，話要畀個當頭棒喝支聯會。
但佢狙擊CCTVB呢個招牌動作，點都唔少得。噚晚六點半，當佢離遠見到無綫郭麗婷喺現場做live時，即刻攞起另一個寫住鬧無綫求求其其嘅紙牌衝前狙擊，無綫攝影師似乎早知佢有此一着喎，即刻好快手咁將鏡頭影去第二度，成功「阻截」事旦男出鏡。
而噚日無綫嘅六點半新聞，竟以六四維園燭光集會做頭條，令好多政界中人好驚訝，笑問到底係無綫高層轉性有番良心，定係驚俾市民投訴爆，為免麻煩先至有此「反常態」嘅英明決定呢？
要瞭解更多六四人和事，為死難者留下悼念的燭光，
請即登入蘋果【六四專頁】: http://6471.appledaily.com/