無綫遊戲節目《超級無敵獎門人─終極篇》前晚播出嘅一集，雖然一小時嘅節目只玩得一個遊戲，其餘時間搞頒獎禮，播番18年嚟經典搞笑場面炒冷飯，不過收視保持到27點（約173萬觀眾），成為上周收視冠軍。而重頭劇《金枝慾孽貳》大結局繼續慘情，只得平均21點（約135萬觀眾）。最離奇係亞視周六晚播56周年台慶節目，竟然有1點收視，即係有64,200人睇喎！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！