好多香港男藝人鍾意返內地娶老婆，尤其娶後生又靚嘅。好似「大隻烈」咁，佢喺內地同女拍檔撻着，好快結婚生埋細路。話說大隻烈老婆某日去尖沙嘴強國人最鍾意嘅商場濕平，走嗰陣去停車場攞車，攞叠購物單出嚟攞泊車優惠，點知收費處個阿姐話佢某啲單據冇得計，唔夠消費額冇得優惠，大隻烈老婆即刻用唔鹹唔淡嘅廣東話發爛渣，好潑辣咁叫阿姐落去同啲舖頭理論，但阿姐有自己崗位唔可以隨便離開，唔想佢嘈嘈閉又阻住後面啲客，無奈照畀泊車優惠佢，唔知大隻烈會唔會讚老婆知慳識儉呢？
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！