官恩娜（Ella）和鄭融等昨日在港台出席活動，Ella自言懂𠱁耆英，以前與婆婆同住會陪她打麻雀，其混血男友也會一起玩，她說：「大家都想𠱁婆婆開心，男友最初唔識鬆章只識食糊，我叫佢唔好食要交學費。」問其未來奶奶如何？她竟口快快說：「佢好後生咋！」
此外，有讀者報料指Ella日前在Instagram貼出跟狄易達等人的合照，但當中狄攬着𡃁模女友Hillary，可能怕踢爆別人戀情，Ella不久後即刪除這張合照。另昨日同場的鄭融與周啟生大仔曾合作，對於周啟生疑獨留兒童在家，她說：「做家長好難，要養家又要有事業，要搵個平衡位。」
採訪：王連連
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！