【中環】上星期先出發去日本開工嘅梁朝偉，話咁快又返到香港。前日下晝6點鐘偉仔仲着住去日本嗰陣件風褸約埋老友吳廷燁去中環四季酒店見面，你話偉仔個人幾念舊同長情，着嘅衫同見嘅人都始終如一。佢哋兩個男人上咗酒店二樓嘅餐廳，各自點咗一杯咖啡，可能佢哋已經太熟，見佢哋冇乜嘢交談，只係靜靜哋坐喺度，得閒嘆啖咖啡，咁就坐咗大半個鐘，之後兩個老友去咗停車場攞車走人。
採訪、攝影：陳辰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！