愛國愛民，香港精神。玩晒食字，明顯針對年青人，市場應當很易受落。誰知「愛國」唔玩得唔食得，支聯會鯁骨，差點兒愛國變殉國。
愛國，原來碰不得。但明明自我感覺愛國，確確實實對中國有感情，對香港本土又有feel，乜有衝突咩？
6424，條數原來唔係咁計。以後，怎樣跟年青人講六四歷史？這樣好了：
愛國，就是茶餐Ａ，不能夾特餐Ｂ的六四，加錢包場都唔得，夥計鬧爆，唔肯幫你落單。
追究六四屠城責任，係，你明白的，但追究誰有解釋愛國的權利，諗到人大釋法，你就想死！所以無謂碰愛國，摸吓都領嘢，生毒瘡！
六四，上YouTube睇；愛國，唔使翻牆的，唔慌係真相。六四血淋淋，愛國大出血，不過係動手術整容，將六四變瓜子面大胸超模，表面好睇，不過全是流嘢。
人大代綑綁愛國，愛港力騎劫本土，只有六四夜維園那點點燭海，風雨不改，頂天立地。24年了，這就是，禪。