【油麻地】
【本報訊】68歲司機昨日清晨駕駛空載小巴，沿油麻地上海街轉入寧波街其間，懷疑因為煞車掣失靈，失控鏟上行人路，繼而撞向一間藥房的大閘，小巴車頭擋風玻璃盡碎甩脫，司機扭傷頸部，另有兩名途經的尼泊爾人亦遭殃及，被玻璃碎片𠝹傷，三人一併送院治理，均無大礙。
傷者指司機開得快
涉事小巴司機姓蘇，兩名受傷尼泊爾男子分別43及45歲，任職地盤工人。事發時兩人與另外一名工友正前往附近乘搭西鐵往錦田地盤開工，友人僥倖及時閃避未有受傷，其中一名傷者表示：「架小巴開得好快，好似衝埋嚟咁，好驚！」
事發於昨日清晨約7時，蘇駕駛來往油麻地及荃灣福來邨的空載小巴，由上海街右轉入寧波街時，據稱因為煞車掣失靈鏟上左邊行人路，再狂撞向一間藥房的大閘，車頭擋風玻璃爆裂，蘇扭傷頸，兩名路經尼泊爾男子閃避時跌倒被碎片割傷，三人同送院治理，幸均無大礙。