李詩韻噚日喺微博上載咗張相，係佢同馬國明着晒古裝為無綫新劇《寒山潛龍》開工，李詩韻個古裝造型好賢淑，但黐咗鹹濕二撇雞嘅馬明，即刻連眼神、笑容都淫埋，有人話佢呢個造型，十足十古代淫魔西門慶咁！以前無綫都拍過《金瓶梅》改編嘅《恨鎖金瓶》，由單立文做西門慶，溫碧霞做潘金蓮，如果無綫再拍呢個古仔，可以考慮搵馬明喎！至於潘金蓮，李詩韻都夠照吖！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！