黃宗澤（Bosco）、周麗淇（Niki）、苗僑偉（三哥）及萬綺雯等昨日在馬鞍山宣傳今晚首播的無綫新劇《好心作怪》，眾演員分兩隊玩遊戲，三哥與Niki非常落力，胸貼胸傳波外，三哥又扮醫生拿聽筒在Niki心口聽心跳，Niki即搞鬼大嗌好舒服。
近日無綫劇集收視欠佳，Bosco曾表示若收視到30點便穿泳裝，可惜當時無人附和，昨日Bosco再許承諾，若收視到32點便穿三角泳褲，他更拉Niki及三哥落水一齊着泳衣，Bosco說：「我叫Niki着，佢死都唔肯，好錫身。」Niki笑說：「我怕趕客呀！」扭擰一輪，Niki最終仍堅拒三點式，只表示若有35點收視，會穿兩件頭泳衣，三哥則笑指Niki好冧Bosco，叫Niki陪他最好，不過三哥只肯穿單車褲陪玩。
拍內地劇夠買樓
周麗淇早前赴橫店為內地古裝劇試造型時差點撞車，她表示：「當時瞓咗又冇帶安全帶，今次冇事要還神！」Niki又指該劇有騎馬戲份，提到甘草演員丁主惠拍王維基新劇因沒替身而受傷，Niki表示劇組會很小心，若應付不來會用替身。談到林峯被指拍內地劇有千萬酬勞，Niki坦言內地的酬勞很可觀，拍完該劇後可在港再買一層樓。
另外，近日有指梁思浩有意在有線節目與翁美玲搞冥婚，湯鎮業大鬧是娛樂圈恥辱及呃神騙鬼，三哥亦直斥對過身的人不尊重，問他會否罷睇？他即說屋企沒有線。
採訪：溫敏芝
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！