有餡三個月的37歲韓國女歌手白智英，昨日和細她九年的韓劇《屋塔房王世子》男星鄭錫元在首爾結婚，一對新人在記招上狂咀晒恩愛，更收到記者送上的合成BB相做禮，令二人爆笑。英姐表示仍未知道腹中胎兒的性別，她說：「仔女都無所謂，但我想生夠三個，最好有一個仔似錫元。」
朴有天到賀
英姐讚錫元為人老實，錫元就指老婆彌補他的不足，他們會待BB出世後才補度蜜月。曾與錫元合演《屋》劇的「王世子」朴有天、金在中、高素榮、吳智昊、金成洙等圈中人到賀，場面熱鬧。
撰文：梁婉霞
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！