韓國變性女星河莉秀前日喺首爾參加第14屆同性戀文化祭，佢一身埃及妖后打扮現身，金光閃閃搶眼到爆，仲有兩個差唔多打扮嘅左右護法護住佢遊行，真係成個皇后咁款，但係河莉秀坐喺開篷車時，腰間就打晒摺，認真煞風景。轉頭河莉秀又變身金髮女郎上台獻唱，佢老公仲唔怕別人嘅目光，上台同佢咀嘴，煙韌到爆。除咗河莉秀之外，韓片《兩個婚禮一個葬禮》嘅導演金趙光秀，早排宣佈將會同細佢19年嘅同志戀人結婚，前日佢哋都有出席同性戀文化祭，仲同河莉秀兩公婆一齊上台主持大局㖭。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！