跟陳茵媺份屬好姊妹的苟芸慧，昨收起性感，拍住喜事重重的陳豪出席活動，即時被搶風頭，問到可有恭喜陳豪與陳茵媺喜事近？苟姑娘笑言：「我未收到通知喎！如果係真當然會祝福，不過我向來唔八卦，冇問對方嘅私人嘢。」那有否跟陳茵媺聯絡？苟姑娘謂近日自己工作較忙，故甚少聯絡她，並笑言：「如佢ask我做姊妹，我一定兩脇插刀。」
問到苟姑娘何時才找到Mr.Right？她坦言仍未搵到，並希望對方是圈外人。那郭富城是心目中的Mr.Right嗎？苟姑娘說：「冇乜機會認識佢，人與人之間要相處。」對於熊黛林表示城城沒時間陪她是分手原因之一，她可需要男友經常陪伴？苟姑娘直言：「我自己又OK喎！女仔都需要自己空間，結婚以老公為先，老公想我陪咪相夫教子囉，又唔好黐太實。」
採訪：卓寶花
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！