為紀念肥姐沈殿霞今年逝世五周年，一眾生前好友如張學友、曾志偉、鄭裕玲、楊千嬅等前晚在紅館演出紀念騷，她的愛女鄭欣宜在尾段出場，以一連串演出送給肥姐，最後眾人合唱《真的愛你》，欣宜感動落淚向肥姐表示不用擔心她，令不少台下親友眼濕濕。
完騷後眾星在後台大合照，提到感觸落淚，欣宜表示：「我喊都好正常，其實都忍得好辛苦，好彩hold到，都好叻。」談到彈琴表演，欣宜透露苦練了兩星期，為媽咪會繼續練習，相信媽咪會滿意她的表現。提到坐在巨形肥姐眼鏡上半空吊出場，欣宜笑說：「我腳都震埋，但效果好靚。」
志偉學友監察善款
體重反彈的欣宜坦承上台時戴上腰封，至於重播以前230磅的片段，欣宜直言：「呢個係會俾人重提，我都好努力減，𠵱家冇230磅，為呢個騷我近日都減咗十幾磅。」欣宜認為紀念騷是送給肥姐生忌的最好禮物，希望媽咪看到她已長大，不用擔心。
同場的志偉透露在後台不少人都感動到眼濕濕，提到扮肥姐踩雞蛋，他表示練習了兩至三次：「爛唔爛冇所謂，只係想演出肥姐氣氛。」志偉表示稍後會和汪明荃及學友等人，一同監察門票收入撥捐福幼基金的過程。提到有指志偉新抱在facebook鬧爆奶奶，志偉解釋：「係有黑客入侵新抱個fb，細仔同新抱都唔好意思，話影響成家人。」
採訪：馬建華
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！