效力南華嘅港隊首席門將葉鴻輝（圖）轉投中超貴州人和將成事，有傳南華已搵到替代葉鴻輝嘅人選後，好大機會放走「英雄輝」，估計南華與貴州人和周內會公佈。擁有孫繼海同曲波等前國腳嘅貴州人和，去年睇中葉鴻輝，仲開出4年合約，不過，英雄輝因與南華尚有1年合約而令轉會膠着；直至南華傳已簽入有份量門將填補，雙方終於傾掂數，而英雄輝亦達成外闖心願。