郭富城與熊黛林（Lynn）的七年情玩完，各行各路，城城昨晨在中環大會堂出席活動時封嘴避談舊愛，至於平復失戀的熊黛林前晚則約友人嘆韓燒，而被指是小三的苟芸慧前晚則風騷到尖沙嘴睇電影《致我們終將逝去的青春》首映。
城城昨晨以大使身份宣傳關懷愛滋病感染者訊息，現場除播出感染者Joey片段外，還有國家主席習近平夫人彭麗媛參與拍攝的歌曲片段，城城更與Joey握手擁抱。對於有指熊黛林狂發短訊向城城箍煲，城城即說：「我冇同佢聯絡，呢啲嘢唔講喇！」
另外，城城早前跟章子怡合作電影《最愛》中扮演愛滋病人，他說：「《最愛》其實有幾位演員係真正感染者，同佢哋一齊生活工作完全冇問題，好多時係外界誤解，希望大眾畀機會佢哋。」彭麗媛在宣傳片段中也出鏡力撐，問到城城是否覺得香港官員做得不夠？他說：「每個人有唔同崗位，唔係話做乜嘢事都要官員行晒出嚟，彭姐姐佢有職銜做呢樣嘢，就好似我係大使咁話畀市民知唔好歧視，我唔係淨係唱歌跳舞養馬嘅。」
熊黛林嘆韓燒
城城強調沒跟舊愛熊黛林聯絡，過氣城嫂熊黛林前晚則帶着助手，相約友人到銅鑼灣利舞臺嘆韓燒，眾人吃到11時多，熊黛林更在街上跟飯局上的西裝男道別，她才與助手及女友人離開。
採訪：藍文浩、黃曉程
攝影：梁繼光、吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！