講起蝙蝠俠，唔少人諗起嘅應該係英國男星基斯頓比爾（Christian Bale），但其實美國男星米高基頓（Michael Keaton）喺80年代經已扮過呢位超級英雄。米高最近喺紐約拍攝新片《Birdman》，呢次又係同超級英雄有關，但唔係着住戰衣周街走，而係平時着乾濕褸嘅佢心入面有另一種人格，就係成身毛有對翼嘅鳥人！日前米高要拍攝從天而降嘅場面，咪睇佢成61歲，吊住威吔「weeeee」一聲飛嚟飛去都難佢唔到，成個人半天吊毫無懼色，絕對唔差得過扮佢由天台大鵬展翅咁跳落街嘅替身，呢隻老蝠真係要送你一個like。到前日輪到米高同鳥人同場現身，睇見鳥人一直喺佢後面吟吟噚噚，煩到米高頂唔順揦晒口面。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！