【本報訊】記者統計過去兩年凶車資料中，發現15部「燒炭凶車」中，有5部為的士。雖然是凶車，但有的士車主則以自己及親人並非用家，懶理是否有人曾於車內燒炭，默默交由車行租給其他的士司機；有的士車行則會在凶車進行宗教儀式，以求心安理得，但對於會否告訴租用的司機，則支吾以對。
「個仔要揸梗係賣出去」
居住在油麻地、80多歲的江婆婆，多年前以300多萬元購入一部的士，月供2萬多元，現時租給車行，每月收回1.7萬多元租金，她說現在每個月均蝕數千元。但對於她的車曾被的士司機用作燒炭，江婆婆卻百無禁忌說：「我知有人自殺，當時有警察打畀我，我叫佢搵返車行，我租咗畀車行，都冇理啦。我自己唔驚！我唔信神、唔信佛，年紀都咁大，都就嚟百年歸老啦！」她又說，該部的士是買給兒子保值，「如果個仔要揸，梗係賣咗呢架出去，買第二架揸啦！」
本報發現位於旺角一間的士車行同樣持有一部凶車，自稱負責人的劉先生起初對「燒炭凶的」支吾以對，但及後改口：「我哋有做返啲儀式！」記者追問會否告知現時租借的司機，劉即三緘其口。惟不少租車司機擔心租了凶車，但因難以查證感無奈。駕駛的士20多年的王先生坦言：「如果係凶車，梗係唔揸啦！我寧願辭工唔做，都唔會揸死過人嘅車！但係咪凶車真係好難查，老細都唔會講啦！」