利物浦咁撐蘇亞雷斯（圖），做錯咁多事都一直支持佢，估唔到阿蘇一個屈尾十話想走人，真係令人氣憤。紅軍雖然喺日前聲稱阿蘇係非賣品，據講始終都要向現實低頭，之不過少個崩都唔使旨意買走佢，至少要收到5,000萬鎊（約5.9億港元）先肯放人。至於阿蘇就一於少理，俾人影到佢好開心咁一家人喺烏拉圭shopping。