快艇喺NBA季後賽西岸首圈不敵灰熊後，球會就宣佈教練迪尼高（左）離隊；班主史達寧早前接受訪問時暗示炒迪尼高係順應基斯保羅（CP3、右）同比歷克格芬要求，CP3就好勞氣反駁，講炒教練決定唔關佢事。其實CP3今季約滿，快艇都好怕佢自由身離隊，仲準備搵CP3之前效力黃蜂時嘅教練史葛，接手快艇，希望以恩師情誼，打動CP3續約。