前晚一連兩場的「露雲娜賈思樂Reunited」慈善演唱會在灣仔伊館圓滿結束，露雲娜前晚在舞台上與未婚夫舉行婚禮，並在眾親友及三千多名粉絲見證下，再度披「嫁衣」，一對新人感觸落淚，露雲娜講誓辭講到口窒窒兼錯字，其子上台獻花，而媽媽亦感動流淚。
前晚捧場嘉賓有廖啟智、陳敏兒、陳玉蓮及肥媽等，露雲娜獻唱《Somewhere Over the Rainbow》給亡父時，再度感觸落淚。在婚禮進行時，賈思樂大讚兩人如童話故事的王子公主，坐馬車及生BB，之後抵死問露雲娜何時再生BB，露雲娜說：「仲生？講笑咩！」賈思樂即指她好生養。
暗戀32年
露雲娜的前經理人Anders Nelsson擔任伴郎，露雲娜自爆32年前由Anders介紹老公給她認識，台下粉絲向露雲娜大叫：「I love you！」老友盧敏儀更喊住祝她永遠幸福，其間賈思樂起哄要新人嘴對嘴十秒，新郎哥表現肉緊，被賈思樂取笑法式接吻兼有口水。
完騷後露雲娜自言好緊張：「好似發夢咁開心。17歲已經識我老公，當時佢住美國，有過嚟搵我，佢心中一直鍾意我，但我當時有男友，佢等我32年先表白，雖然遲啲。」露雲娜坦言場面感動，估不到會再婚。至於賈思樂日前被指秘交密友，他澄清說：「嗰個係助手，我助手有一男一女，搵伴侶順其自然。」
採訪：王連連
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！