咁就24年。當年一班熱血青年，喺天安門廣場靜坐絕食，為嘅就係爭取中國走向民主同自由之路。
港人當年唔講乜嘢「血濃於水」、「愛國愛民」，喺大是大非面前只得一個普世價值，就係撐民主撐學生。當年香港演藝界就發起《民主歌聲獻中華》，為班民運人士籌款，唔似得𠵱家講六四欲言又止咁款。
89年5月27日，演唱會活動喺跑馬地舉行，當年由梅艷芳一聲號召，全部藝人響應。由黃霑、陳欣健、曾志偉同岑建勳主持，參加表演嘅歌手多到不能盡錄，包括梅艷芳、張學友、羅文、鄧麗君、譚詠麟、李克勤同Beyond等等，活動舉行咗12粒鐘，總共籌得1,300萬，撥入「全支聯」基金嚟支持民運。
寫到呢度，腦海唔知點解奏起咗《大地》——「回望昨日在異鄉那門前，欷歔的感慨一年年，但日落日出永沒變遷。」唔講咁多，六四維園見啦！
撰文：阿Wow
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！