放盤業主 嫌居屋難升值 換入私樓更化算
陳小姐年幼時居住港島公屋，97年與家人透過房協「住宅發售計劃」，以約120萬元購入北角健康村單位。她說：「當時諗，反正畀租出去，不如買個單位，起碼物業屬於自己，將來（賣樓）可以收得番（錢），就連廣告都話加按，需要時可套現，我覺得咁樣選擇會好啲。」
自住15年 健康村僅值200餘萬
礙於當年資金少，買的是小型單位，實用面積319方呎，只間一房，高峯期住5個人，其後部份家人遷出，現時都有3個人住，仍然感覺擠逼，加上物業樓價升幅小，更加強換樓意欲。
陳小姐解釋：「住咗15年，𠵱家只值200餘萬，若買私樓，十幾年到𠵱家翻兩轉，好比龜兔賽跑，身邊朋友屋企人換咗幾次樓，升幾倍。」
對於要賣居屋單位，陳小姐坦言有點不捨得，她稱，看過一篇文章，指出外國人喜歡將房屋一代傳一代，但香港人就想換樓賺錢，每每三年搬一次，朋友們亦贊同樓換樓才賺錢，故自己不會太傷感。
舊的不去，新的不來，住慣北角區，覺得生活方便至極，加上近年在區內開設首飾店，拓展自己事業，將來換樓仍揀此區，屬意大型實用老牌屋苑百福花園，又或馬寶道單幢樓，建築面積約500、600方呎的單位，樓價400萬至500萬元之間，但礙於手頭資金有限，必須先賣出健康村單位，才可換入私樓。
