有傳陳豪跟陳茵媺奉子成婚，昨日陳豪舊愛廖碧兒到灣仔會展出席酒業活動，她置身事外說：「冇留意，我喺內地忙拍劇，如果係真都會短訊祝福。」可覺他們合襯？她說：「當然襯。」問她會否加把勁？她說：「工作行先，太鍾意做嘢。」
廖碧兒透露接拍內地賀歲片，對於近期無綫劇收視低迷，她說：「唔知，內地冇得睇，離開無綫後拍咗六部劇，多謝內地畀機會我。」同場的陳煒表示將加入無綫劇《愛．回家》劇組，對於有份演出的《金枝慾孽貳》收視不濟，她笑說：「有我嘅第一集最高收視。」有傳無綫重視萬綺雯多過她，她說：「事實佢一嚟就做女主角，我喺亞視都冇比較。」
採訪：林嘉慈
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！