周秀娜噚日同A.Lin、DaDa、Dominic等喺尖沙嘴出席九龍表行開幕禮，娜姐身為大師姐梗係要着靚啲，以黃色低胸裙上陣嘅佢，大晒34D逼爆上圍，最絕係連底褲都襯到一樣色。
剪綵後，老闆即刻同娜姐握手，然後話：「我哋會好似你咁裝修得越嚟越靚。」娜姐曾經被傳隆胸兼整容，難怪佢聽完都覺得尷尬，笑住口答：「吓！我冇整過。」事後問娜姐介唔介意？佢話：「佢哋新店主題係young，所以想越整越靚，我明係乜意思，唔介意，我都想越嚟越young。」
默認Avis死纏爛打
之前娜姐被發現同黃姓男同事行街買餸，問佢哋發展成點？娜姐強調嗰位只係同事，仲話﹕「人哋結咗婚，我哋同月生日，所以一齊慶祝，仲有其他朋友。」咁前男友陳偉成（Avis）有冇SMS講生日快樂？娜姐話：「我改咗電話，冇聯絡。」問係咪有人死纏爛打？娜姐冇否認：「咁耐之前嘅事，唔記得啦。分開咗就唔好成日講，減少傷害性。」但有傳分手後Avis少咗好多job，要去泰國求神，娜姐話：「係咩？唔知，拜神係因為信仰。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！