【中環置地廣場】任達華太太琦琦近排經常出動去濕平，剛剛嘅星期二下晝兩點鐘左右佢一個人去咗中環置地廣場行街。戴住帽同墨鏡冇乜點化妝嘅琦琦，先喺一樓行咗個圈，之後入咗Valentino店睇衫。琦琦同班店員好熟，入到去傾到雞啄唔斷，見到琦琦對軍綠色嘅迷彩圖案好有興趣，前後睇咗十分鐘，最後買咗件迷彩外套，佢趁職員包衫嘅時候，就喺度用手機玩微博同傾電話。
採訪、攝影：徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！