亞視大前日56周年台慶大日子，揸弗人王征冇影，僅由亞視執行董事盛品儒帶領藝人撐騎呢騷，整個台慶啟動禮短短一粒鐘完事。據知亞視員工福利會為台慶回饋全體員工，向員工發放麥當勞50元現金券，亞視向來只是新年才派20元利是給員工，今次算額外獎賞。
林韋辰昨日返亞視開工，順便取老麥現金券，他說：「我食素，啲券會益人，唔好浪費公司嘅皇恩浩蕩。」劉錫賢則表示沒興趣使用現金券，他昨日說：「唔啱我，畀咗姨甥。」對於老麥50元現金券未有給藝人驚喜，盛品儒昨日說：「公司喺巿場上差啲，所以只可派呢個券。」問到會否掏腰包請員工？他說：「我呢排比較忙，暫時唔會。」
採訪：比華利
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！