曾經迷倒好多少女嘅男子組合Backstreet Boys（BSB），最近喺內地開巡迴演唱會，佢哋噚日就喺成都開騷。五子喺開騷之前，當然要探下國寶熊貓，不過五位仁兄就直情落手落腳湊熊貓。咁啱嗰陣係熊貓嘅午飯時間，BSB成班人就各自餵自己抱住嘅熊貓飲奶同食竹。雖然幾位冇點練習過，要熊貓自己揸奶樽，不過佢哋就愛心搭夠，當湊仔咁湊，成員Kevin Richardson拎竹餵熊貓嗰陣，仲一面慈父相。BSB幾位仲念念有詞，似乎同班熊貓有心靈交流喎！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！