噚晚喺修頓上演嘅甲一男籃，南華（白衫）破飛鷹不敗身，贏89:70。首節輸緊3分嘅南華第2節大爆發，打出一段10:0攻勢，半場反超前46:33，最後兩節仲將比分拋開，羅意庭攻入最多16分，成為贏波功臣。常規賽形勢好混亂，南華同飛鷹同樣5勝1負，飛鷹下周二對新青聯，贏面好高 ；如果永倫下周五贏南華嘅話，飛鷹仍有機會首奪冠軍。