「四葉女」關婉珊與母親絕無代溝，情如姊妹，其母18歲時誕下女兒，管教採取自由態度，關婉珊小學時已開始學會獨立，自己返學放學。自小她鍾愛彈琴唱歌，曾參加不少大專比賽並獲獎，現在她偶爾也會寫少女情懷的歌曲。
撰文：卓寶花
現年27歲的關婉珊曾演出無綫劇《盛裝舞步愛作戰》，初出道的她以性感形象示人，可是近年已搣甩性感女之名，做個乖乖女。關婉珊從爸媽口中講起小時候，原來幼稚園時已懂得駁嘴，校內卻操行優良，她最怕的是老師，反而不是父母。
歌唱比賽攞獎
讀書時候，關婉珊最深刻的是等父母接放學，她說：「我爸爸媽媽都係18歲就生我，當時唔太識湊小朋友，父母都好貪玩，最記得放學要等家長湊，但我12點放學，等到下午班同學都上堂，媽咪先嚟到，原因係唔知醒。」
由於母親年少，兩母女沒有代溝，只望女兒開心，不要學壞，關婉珊笑說：「我小學二年級已經自己返學，有時仲要幫媽咪落街買嘢食，都算係練習獨立，但實情係媽咪懶啫。」關母也很愛替女兒親自操刀剪髮，但每次都是用湯碗笠頭剪成湯碗頭。
關婉珊小時候已鍾愛唱歌彈琴，雖然家庭沒刻意培育，但她中學開始已參加歌唱比賽，並在比賽中獲獎，現在她除了拍劇，間中也會寫歌。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！