被惡搞邪惡淫聲 志玲:當宣傳吧

被惡搞邪惡淫聲 志玲:當宣傳吧

大會邀請紅姑、志玲、謝拉與品牌高層合照時,志玲即施展「嗲功」外交,將頭偏向謝拉,身體挨近對方胸口,做出頭貼頭等親密動作,站在志玲身旁的紅姑則露出不自然表情。對於在《大唐無雙2》網路遊戲配音被網友惡搞成邪惡淫聲版,志玲即驚訝掩口說:「在哪裏可以看到?看成是另一種宣傳吧,我不介意,只要大家開心就好。」
紅姑受訪時被問到與發哥多久不見?她笑說:「今朝先見到佢,喺酒店gym room,佢梗係fit啦,仲咁靚仔。」她直言心癢與發哥合作拍電影,早前彭浩翔力邀兩人參演電影《春嬌與志明一家》,是否若發哥開口會答應?她說:「唔做志明或者春嬌,做發哥老婆或女朋友都冇所謂。」
之後發哥接受訪問,提起紅姑近日的緋聞,發哥認為有男士追求是好事,更搞笑以普通話鼓勵紅姑覓第二春,他說:「鼓勵!鼓勵!」提到彭浩翔找紅姑做余文樂母親,發哥笑笑口說:「唔得,佢點做余文樂阿媽呀?余文樂做佢老竇就差唔多。」千嬅提議他與余文樂玩三角戀,發哥聞言說:「咁鍾楚紅點呀?」記者提議四角戀情節,他說:「好複雜喎,等彭導再諗諗先。」

已婚的韓國男星權相佑攬志玲纖腰合照。

發哥唔明《金枝貳》

那會否與紅姑拍《秋天的童話》或《縱橫四海》續集,發哥笑言:「有冇人睇㗎?唔好喺長島(《秋》片拍攝地)拍,喺長洲拍啦,TVB近排都有套喺長洲。」至於近日收視插水的《金枝慾孽貳》,發哥直言:「我睇唔明,所以有人解說,幾好睇呀,不過要有耐心,一般觀眾對宮外宮內都有疑難。」
採訪、攝影:曾小嘉

志玲四出「集郵」,靚仔德國體操明星阮馬素也成獵物。

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!