坦克入城，學生投擲磚頭，誰對誰錯？人民送水送糧，游說解放軍不要鎮壓，是改革希望還是管治危機？這些歷史片段24年後在學校舞台重演，演員和學生兩代人，對六四有不同詮釋。中學生說：「清場係一定要發生」；演員問：「鎮壓係咪一定要開槍？」
開放議題，留下空白，讓學生判斷，尋找真相。有學校忌諱，拒談六四；也有學校辦座談會，由劉霞、李旺玲談到天安門母親，從中國經濟發展討論到當前的道德、法治，讓學生反思，六四之後，中國會好嗎？
記者：王家文
六四舞台劇《讓黃雀飛》今年首次走進校園，馮志坤飾演學運領袖，阻止軍隊入城鎮壓，「如果我哋就咁放棄廣場，就係對唔住歷史」。走出舞台，他內心矛盾：「如果唔鎮壓，學生會做到乜嘢地步、對社會有乜嘢影響？但鎮壓係咪一定要開槍呢？」
馮志坤今年29歲，從小只知六四是學生發起的民主運動，遭政府血腥清場。當時他覺得「政府唔啱」。近年了解得越多，越沒肯定答案，「事實軍隊有開槍，民眾有攻擊」。
誰對誰錯，他說不清，但換轉身處24年前的木墀地，他可能也會照擲磚頭，「因為軍隊傷害緊人民，我更加明白點解佢哋（學生）會擲（磚頭）」。
六四當年，80後演員郭嘉熹8歲，「阿媽拖住我上街遊行，我問阿媽發生乜嘢事，佢話你大個就會明」。直至高中，他找資料，逐步了解，「曾有班人為中國發展而盡一分力，甚至犧牲。愛國精神唔係維穩、唔係搞經濟就係愛國」。母親每年出席燭光集會，六、七年前身體不適，他代母悼念，「每年聽到《血染的風采》都會喊，對我嚟講，係阿媽傳承畀我」。
「運動基於愛非恨」
觀眾是90後，70後演員楊國明有感近年六四討論多了，但偏離了方向。他記得六四20周年，建制派呂志偉質疑屠城說法，質疑港人捐錢令運動變質，「冇咗同理心，冇咗死難者父母嘅感受」。
楊國明是新移民，89年在港念中四，當年他對政治冷感，拒絕捐款，「望住個電視，等幾時會鎮壓」。直至出來社會工作，才知道六四是怎樣的一回事，「運動本身係基於愛非恨，結局係血腥同流血，呢個係基本事實」。如何評價，則「由學生自己去搵答案」。
今年如何悼六四
帶媽媽去六四集會
郭嘉熹 舞台劇演員
當我8歲時媽媽拖住我上街遊行，近年佢身體唔係太好，如果情況許可，今年我會帶番媽媽去六四集會，仲睇埋六四舞台劇，因佢想了解學生對六四有乜嘢反應。
六四24年，我們不想記起，但未敢忘記。
蘋果六四專頁： http://6471.appledaily.com/