可能法國網球手莫菲斯（圖）平時都係手機不離身，慣咗見到得意嘢就想影低佢，就算打法網都搣唔甩呢個習慣。周三男單次圈對古比斯嗰陣，莫菲斯見到觀眾玩人浪，氣氛好正，所以佢就趁轉場嗰陣，問裁判可唔可以拎部電話出嚟拍片；裁判亦通氣，批准莫菲斯快快趣影完佢。賽後莫菲斯話會返去執吓條片，遲啲或者會放上網。最終呢場比賽莫菲斯贏盤數3:1晉級。